Kontaktinformasjon
Herøy Kunstlag blir drive ved frivillig innsats av eit styre på 5 personar som saman med eit arbeidsutval på 6 personar monterer utstillingane.
Vil du vite meir om kunstlaget? Eller kanskje du kan tenke deg å stille ut hos oss?
Då er dette dei rette kontaktpersonane:
Marit Nerlid Fasting, styremedlem.
Tlf. 97 64 35 83, epost: marit.nerlid.fasting@heroy.kommune.no
Aase Sivertsen, kasserar.
Tlf. 70 08 99 19, epost: aase@fokusregnskap.no
Asbjørg Håberg, sekretær.
Tlf. 70 08 85 64, epost: asbjorg.haberg@online.no
Aud Karen Pettersen, nestleiar.
Tlf. 70 08 52 47.
Ragnhild Riise, leiar.
Tlf. 70 08 66 16.
Årsmøte i Herøy Kunstlag, 2010.
Ei utstilling av fargerike kyrkjetekstilar møtte Herøy Kunstlag sine medlemer på
årsmøtet 28.april 2010 i Jacobsenhuset, Fosnavåg. Kunstnaren Laila Lillebø Endresen
skulle seinare på årsmøtet fortelje om sitt arbeid med utforming av kyrkjetekstilar, og vi
gledde oss til å høyre henne. 20 frammøtte medlemer benka seg rundt eit vårpynta bord, og styret er glad for god
oppslutning om årsmøtet som er einaste samling kunstlaget har for medlemene utanom
utstillingane. Leiar Ragnild Riise leia årsmøtet.
Årsmelding for 2009 ved sekretær Asbjørg Håberg viser at kunstlaget har hatt eit godt
arbeidsår med god oppslutning om dei 3 utstillingane dette året:
Mars med Nils Taklo, Ørsta, "Nostalgi", olje på lerret.
Oktober med Hilde Bergfjord Brunvoll, Molde, som viste "Ut", Plein air oljemåleri.
November med "Juleutstilling", lokale kunstnarar, fleire teknikkar.
Kunstnarane har vore til stades opningsdagen, og lokalavisa Vestlandsnytt skriv omtale.
Kunstlaget har kafé, og mange tar ein prat med utstillar og andre.Den store interessa for kunst
i Herøy ser vi tydeleg på Juleutstillinga, i år vart det rekord med 30 lokale utstillarar. 6 av
dei var nye hos oss, og det gler oss at unge nye talent kjem fram.
Ca 520 besøkande har sett våre utstillingar i år. Av dei var 162 elevar frå grunnskule og
kulturskule. Kunstlaget er glad for samarbeid med skulen og ønskjer elevgrupper med tilsyn
av lærar velkomen på dagtid. Innbyding blir send via skuleadministrasjonen.
Kunstkjøp. Det er seld 17 bilde på utstillingane i år. Av dei har kunstlaget kjøpt 1 bilde til det
årlege medlemslotteriet, og 1 måleri av Nils Taklo til sitt faste galleri som dermed har 30 bilde
som utsmykkar kaferomet på Herøy kulturhus.
Heimesida www.heroykunstlag.com presenterer vårt arbeid for omverda og er eit nyttig
bindeledd til utstillarar og til Norske Kunstforeningers Landsforbund som Herøy Kunstlag er
tilslutta. Heimesida blir oppdatert 2 gonger i året om utstillingar og med omtale av kunstnarar.
Takk! Til slutt i årsmeldinga takkar styret det dyktige arbeidsutvalet for god hjelp ved alle
utstillingar. Takk går også til dei som tar på seg vakt på utstillingar, til revisor Tormund
Moltubakk og til vaktmeistrane ved kulturhuset!
Rekneskap for 2009 ved kasserar Aase Sivertsen viser eit driftsresultatet mykje betre enn i
fjor, men framleis er det eit mindre underskot.
Val for 2010. Aud Karen Pettersen la fram valnemnda sitt forslag som vart godkjend ved
akklamasjon. Ragnhild Riise held fram som leiar 1 år. I styret er Marit Nerlid Fasting,
Asbjørg Håberg, Aud Karen Pettersen(attval), Aase Sivertsen(attval). Styremedlemer vert
valde for 2 år.
I arbeidsutvalet held Paula Voldsund, Ivar Sulebakk, Torny Torvholm, Bjørn Martin Aasen og
Nils Marius Riise fram. Frå 2010 vart også arbeidsutval med vara, revisor og valnemnd valde
for 2 år.
Ragnhild Riise takka så for ny tillit som leiar og orienterte om at styret hadde vedteke å auke
kunstlaget sin provisjon frå i år ved sal på utstillingar frå 20 til 25% som er meir vanleg no i
kunstlaga.Så nemnde ho eit nytt tidsskrift, "Kunst", som gir medlemsrabatt på abonnement.
Av medlemene hadde Guri Aasen ordet. Ho er med i prosjektet "Herøyløftet" og oppmoda alle
om å sjå utstillinga til Åshild Sævik på Runde Miljøsenter om Herøykvinna.
Då var det tid for kveldens tema,
Kyrkjetekstilkunst ved Laila Lillebø Endresen.
Laila er ein vel etablert kyrkjetekstilkunstnar som kan sjå tilbake på mange store oppdrag i
både nye og eldre kyrkjer over heile landet, mange av dei i &Øslash;slo. Ho har fleire års utdanning
i tekstil formgjeving og kunsthistorie, og har også undervist i desse faga. Ho illustrerte sitt
emne med ei instruktiv utstilling og fortalde om dei utfordringane ho møter. Form, stil og
fargar må tilpassast kyrkja som skal bruke tekstilane. &Øslash;g det må takast omsyn til reglar som
gjeld for utforming av dekor på ein stola eller messehakel som presten brukar over sin kvite
alba i prestedrakta frå 1980. Liturgiske klede må utsmykkast med dei liturgiske fargane
etter dei fastlagte motiv som er teologisk grunngjevne ut frå Bibelen og kristne tradisjonar.
Laila fortalde om heile gangen i arbeidet sitt frå ho fekk eit oppdrag for ei kyrkje til det
ferdige produktet vart godkjend av biskopen denne kyrkja høyrer inn under. Ho gav oss
ny innsikt i eit viktig område av kyrkjekunsten, og tilhøyrarane takka med god applaus.Vi er
glade over å ha Laila som medlem av vårt eige kunstlag!
Då var det tid for servering av pastasalat, kaffi og kake. Praten gjekk ved bordet, og alle
nytta høvet til å studere dei utstilte kyrkjetekstilane, og Laila gav svar på spørsmål frå heile
sitt arbeidsfelt. Emnet interesserte mange fordi vi møter kyrkjetekstilar i våre eigne kyrkjer.
Siste sak på årsmøtet var Medlemslotteriet 2009. Gevinsten, ein akvarell av Åshild Ørnhaug,
vart vunnen av medlem nr 14, Vigdis Bakke.
Kunstbok utlodda mellom dei frammøtte vart vunne av Åshild Ørnhaug.
Styret takkar medlemene for den interesse og oppslutning dei viser kunstlaget, og ønskjer
gode kunstopplevingar også i året som kjem!
